Tilovatlar

Тушимда

Кўтариб чиқдим ўнг қўлимни бетўхтов

Кўзингиз кўзимга тушсин дедим

Малим

Муаллима

Сочлар тасдиқ зарби билан гулчеҳрангизни

Ярим ёпар

Табассум учади лабларингиздан

Қўнади ниҳоят синфдош дўстим

Насимнинг юзига

Нега тушунмайсиз ахир муаллим

Малим

Муаллимам

Қўлимни кўтариб чиқдим бетўхтов

Кўзингиз кўзимга тушсачи малим

Сочлар ярим ёпса гул чеҳрангизни

Тасдиқдан эгилган бошингиз силкиб

Сиз

Бир

марта

қаранг

манга

азиз муаллим

Табассум учади лабларингиздан

Қўнади синфдош дўстнинг юзига

Қандоқ тушунмайсиз ахир муаллим

Русчани манчалик билмайди  Насим

Кўрмайсиз

ҳавода сузади қўлим тўхтамай

кўзимни юмаман қиламан банди

ҳамон жилмаясиз ҳамон табассум

учиб келаверар Насимга қайтиб

кўзимни очаман ўзимдан олис

Сиздан ҳам олисроқ тушда уйғондим

Табассум учадиган ростимдан ўтиб

Сиздай Хаёлимни қаттиқ соғиндим…

Тошга ҳам тил битганда –

ўзимнинг аксим

Билмассан

Ҳақингга ярим тунлари

ким дуо қилмоқда

кўрмассан

шу осмонни сиғдирган юрак

қандоқ нола қилар

сезмассан

деворга дарз кетар шоҳидлигидан

ҳеч қайга кетолмас зоҳидлигидан

ҳар не гуноҳ ўтди пасту баланддан

юракка муҳр тушган Воҳидлигидан

билмассан

қачон уйғонади қобирғада қуш

қачон синдиради қафасларини

қачон парвоз этар хаёлдан баланд

қачон ўнгга айланади бу тушнинг акси

томчилар келишар бесафу бешон

бостириб киришар бўм бўш қалъага

бир бўйра тўшалган

бир вужуд қотган

қақроқ руҳ бағрига ёғдириб эҳсон

шунда

тошга ҳам тил битар – тошюрак пора

ҳақингга дуолар қилмоқда

қара

осмонни сиғдирган юрак қаърида

тиз чўккан зоҳиднинг ҳаловатида

тиз чўккан зоҳиднинг тиловатида

Йилларки

бир дарахт чарчади

Бетиним гулламоқликдан

Ва ҳар баҳор шаккок Шамоллар аямасди Чарчаган дарахтнинг гулларини

Тўкарди бешафқат

Тўшарди кафандай пойига

ҳар ёз кутди

ҳар куз кутди

қишда дарахт ҳаммага қўшиб

ўзини ҳам буткул

унутди

ва йилларки

томирлари ерга тирмашар

ерни остин устин қилгудай қақшар

йилларки

бу тинч Зилзиладан Дунё бехабар эди

аммо бир йил

бир бор

бу дарахт яна гуллади қийғос

шафқат қилди шафқатсиз баҳор

шамоллар ҳам солмади уввос

нима эди меваси билмам

билганим

нимжон шохлар сассиз эгилди тунда

нимжон шохлар сассиз синдилар

бу Дарахт

бир дарахт каби

ибтидони кўрди

интиҳони кўрди

ёмғир қуйди то тонгга қадар

йилларки гуллари т

                                   ў  

                                       к

                                           и

                                               л

                                                    д         

                                                         и

йиғламади бирорта Фасл

йиғламади бирорта Фасл

• Tangrim,
• Osmon to’la oyu yulduz,
• Mehring shudir – kecha kunduz.
• Bir kun yashil, bir kun sariq Yaproqdayman …
• Ammo bu kuz…
• Bu kuz Sani qattiq sogh’indim,
• To’kdim barcha yaproqlarimni.
• Yaproqlarim etguncha erga,
• So’ylamishlar ertaklarimni…
• Shafqatsiz Vaqt atalmish Farrosh
•  Yoymish oppoq etaklarini.
• Son’g… Song Izg’irin izmiga qilarmish tortiq
• Sani yoding bilan uyg’oq tushlarni.
• Tushlarimchi… bu kuz
• Yomg’irlar uyg’otgan ibodatlarim.
• Boshimga yog’ilib kelgani bilsang,
• Sani yoding haqqi… tilovatlarim…
• Bu kuz Ertaklarim Oyu yulduzim
• Osmon to’la yaproqlarim ham
• Bir jumlaga sig’ishdi oson
• ‘ Sani axir sog’indim yomon!..’

>

Бир банда арз этмиш

Топганим япроқдан

Яшинганим денгиздан

Қидирганим осмондан

Билганим ҳаводан

Йиқилганим ўзимдан

Турганим Сандан

Кутганим номларнинг аълоси

Кутмаганим шу кутмаганим

Ва аслида

Билмаганим буларнинг бари

Фақат

Бир банданг арз этмиш

Азал абаддан

Бир банданг…

>

Qish qattiq keldi


Anorlar ko’mildi

 
Behol otam bog’ boshida


Mevasiga etarmikanman deya…


Unsiz egildi






Saraton kirdi


Gulladi anorlar ertaroq kechroq


Ana kirdim


Mana kirdim deya yoz bo’yi bu kuz


Otamni aldadi


mani aldadi






Yaproqlar sarg’ayib boshlagan tunda


Otam yaproq kabi uzildi






Tongda barcha anorlar


Pishmay turib tars tars yorildi






Anorlar


marvarid ko’z yoshlarini


Onamday hech kimdan berkitmay to’kdi






Anorlar qish boyi Sizni sog’inib


Mehrga to’ymasdan to bahor qadar


Yozda o’tin bo’lib tandirga kirdi


Yozda o’tin bolib o’choqda yondi






Anorlar…

>

Gullar nasimi ham shamolla ketgan

Quturgan vulqonlar kirib iymonga

Bir hovuch kul bo’lib sassiz tutagan

Do’starim ketishdi

Dushmanlar g’oyib

Ko’zguda ko’rinmas emishda aksim

Man butun xotira xayollarimni

Shu nursiz go’shaga qilibman taqsim

O’zim o’zimniki ekanman go’yo

Shundoq shivirlarmish eng go’zal ilon

Qaerga qarasam yal yal yonarmish

Yurakka chizilgan bir makkor ro’yo

Keyin tong otarkan – go’zal inqilob

Nuring to’kilarmish subhu sodiqda

Kim edi – titragan iymoni betob

kim edi zulmatda tilagan oftob

Kecharmish azoblar bahrimdan darhol

Daraxtlar ko’klarga qilarmish armon

Qarang, Sinovidan o’tgan ishqparast behol

Mehriga ming marta keltirar iymon

Daraxtlar ko’klarga

Daraxtlar ko’klarga…

>Ям яшил тушлари тутдай тўкилиб



Чўғранг япроқларга тўлмоқдами боғ


Мани унутганни ёд этмоқ бўлиб


Оппоқ уйқусидан уйғондими тоғ


Келдими эшигим остига титраб


Кўзлари денгизга тўлган ҳурлиқо


Бу оташ ичинда осмонга қараб


Қанотларим керган – менманми Худо


Худойим аслида ҳолат янгимас


Тўкилмас япроқлар ортиқ пойимга


Мани унутганни унутиб бўлмас


Ям яшил тушларим тўлган оҳимга