Category Archives: Yozuvlar

>Tenglama

>teng emas edim
na bulutga na osmonga na erga va na o’zimga bugunimda
na
bitta marvaridga dengiz tubida
tuproq yo’lda yotgan toshga
shundoqqina hovlimizdagi bir tup o’rik niholidan to’kilib to’kilolmay qolgan
yozdan chiqolmagan qishga kirolmagan
rangi erlagan bitta yaproqqa
yoki
otamni oyoq og’rig’iga duchor qilgan
menga oppoq bakht borligini oshkor etgan
qishda
uyimizning tomiga osilib qolgan farishtarangmi bilmadim
sumalakka
men
tug’ilganimda arzimaganman
arzigan
arzimaganman
arzimaganman

>…

>

Тошдай бағир

Ёриб бўлмас уни

Уринма

Чамалама қимматимни, дўст

Қотиб қолган кўз

Фақат денгиз аксланар унда

Музлагандир

Эритмагин уни – эритма

Ахир сан билмассан ҳимматимни

Очиқ қолган қўллар

Дуога

Тангри марҳамати билан силанган бу бош

Тангри марҳамати билан қилинган калом

Агар санга айтсам

Шу тошдай бағирнинг ичида бир гул – иймон

Музлаган нигоҳдаги денгиз – муҳаббат

Кел энди

Бағрим тош бўлса ҳам

Денгиз музлаган эсада – ҳар ҳол

Тош остида гулимни кўргин

Муз остида муҳаббатимни…

>…

>

Чок чокидан узилганлари
Чок чокидан узилганлари
Чок чокидан узилганлари

томчилаган нима кўксингдан
сўроқлаган кимдир тушингда

ошиққансан бунчалар абгор
интизорсан кимга – хароба
ким эшитар чақирсанг агар
кимдир хонишингга баробар

нимадир у парчалаганинг
ёв енгдими дўст ўлдирдими
кимдир ахир қаршилаганинг
ё нимами – асраганларинг

етар юлдуз нур сочсин энди
қуёш тунда дур чочсин энди
кўнгил нурга кўз очсин энди

боғланажак узилганларим
тикланажак бузилганларим
гуллаяжак музлаганларим

>Armon

>

аслида бир армон бор эди
кўзлари мунисим ғамгин ғамдошим
аслида бу армон манга зор эди
ишқнинг ўрдусида ёлғиз сафдошим

эҳ
аслида бу армон – кўзлари басир
ял ял товланганим ҳеч ҳам кўрмади
ёниб куйлар эдим ғазалларимни
армон кар эдими, ҳолим сўрмади…

биламан
аслида бу армон
кузу қиш эди
мен эса … гулладим, ёмон гулладим
қаердан олгандим бунча рангларни
билмадим кўрмадим аммо ишонсанг
беармон жаннатга жуда ўхшардим

аслида биргина армон бор эди
бир замон бир пайтлар бир томонларда

>Бир сўз

>Ичимда бир куй бор
Оқар дарё каби узун
Орзули
Юрагимга ўйиб ёзилган бир сўз бор
Минг йилки
Умидли
Бир оҳ бор

уришга арзийди ҳар дам
Ҳар лаҳза
Қўшиғим қани

Меҳр бор
Кўз косасидан
Тўкилиб боради ҳар бир қадамга

Ишқ йўқ
Ошиқ йўқ
Қўшиқ йўқ
Дарё йўқ
Тинимсиз
тинимсиз
Оқмоққа…

>Qo’shiq 2

>Бу гал
Осмон яқинроқдай эди
Қанотларим сочингдан узун
Тушим ҳам ўнгим ҳам бирдай
Бахтиёр
Бу гал учиш осон эди
Қанотларим ишқдай мустаҳкам
Қанотларим

Эҳ
Бу гал бошқа галлар келмас дедимми
Бу гал энди кетмас дедимми
Кўнгил барча асрордан холи
Тушим ўнгим бирдай дедимми

Худойим
Бу гал
Дардми бошқача
Даво давомими
Бошқача

Худойим
Келарми бошқа галлар
Келсинми бошқа галлар
Келсин
Бошқа Галлар

>Qo’shiq

>

Bu dunyoda hali hech kim
Buzolmagan mening konglimni
Tuzolmagan birorta qasr
Uzolmagan ming bir qarzini

Ko’ngil chuqur
Ko’ngil tubsizdir
Hech bir bedor cho’kmasdir unga
Bu kongildan sal nari ishon
Bir Ilohiy baxt bor onajon

Dunyo esa nochor notavon
Istaklarga tola bir ro’yo
Ko’ngildagi bir savol yomon…
Sighmayapti unga onajon

Onajon
Anqo shuncha mehrmidi ayt
Bebahoyu beizn… benuqson
Yuragimni oyoq ostingga
Maydalagan menman ku
Mehmon

Ishon
Hech kim yo’qdir bu dunyoda – rost
Na baxt na g’am va yana kimdir
Bor bo’lgani shu qurg’ur ko’ngil
Bor bo’lgani Xudodir… pinhon

>Tugallanmagan Tugallik

>

(Tilimni Bilmaganga…)

Тугалламанган тугаллик

Тилимни Билмаганга

Юрак бир япроққа интиқ
кўз истар дийдорни
девона дайди

қўлимда
дунёдаги энг гўзал тошлар
энг шаффоф дераза
қуёшга қараган
ойга интизор
отаман уларни
етмайди

деразангдан бир қара
ҳеч нарса ўзгармас шунда ҳам ишон
фақат бир мартагина қара
япроқ узилмаси
тош отилмаси
кўз йиғламаси
ўзгармаси
ҳеч нарса
менга бир қара

юрак бир япроққа зор
кўз ҳамон бедор
ўзим девонаман мажнундан бери
лайлидан нари
очилмас дераза – уйғоқман
отилмас бу тошлар

менинг меним яратган сеним
уйғонмас
тўкилмас
сиғмас
на кўнгилга
на кўзимга
чунки
юрак битта япроққа
япроққа

>Fasllar

>

Очилган кўздан сўранг
У кўражакдир
Аввал кўринмаган гулларни
Хазонларни
Сочилиб учган
Ҳар куни мана шу йўлдан битта манзилга эринмай қатнаб
Эринмай ҳар куни манзилига қайтаётган
Тобора қариб қолаётган
Коинотни
Кўражакдир бу очиқ кўз

Эгилган бу елка эса
Мўмин мусулмондир
Яхши насронийдир
Олийжаноб буддавий
Меҳрибон ҳинду

Оғриётган оёқдан кетаётган мадор эса
бошнинг капалакдан ҳам оғирлиги ҳақида катта афсона
бедил айтмиш бемантиқ
бедил айтмиш дунёни тутган

кўздан кўзга қадар узилмасдан тизилгани эса
томчи томчи томчи томчи томчи
ёшлардир ғуборларни аритган
беғубордир
очиқдир
сўранг

>umr2

>

bir qultum suv

bir mijja qoqmoq

uyg’onmoq uzoqdan uzoq qo’shiqdan

kuydan to’lg’onishdir

umr

( keyin baxtimga san borsan deb o’ylayman

ko’z tegmasin sanga

so’z tegmasin

hech narsa tegmasin manga

hech narsa

holimdan xoli bo’lay deyman)

qultum suv

mijja

bahorning yigirma birinchi kuni

qaysi kalendarda bilmadim – samimiy

yo hijriy va yo milodiy

ketar ekansan ko’chaning changi

bosilmagan edi

hali yuvib bo’linmagan oppoq kuylaklar

simdorlarga

osilmagan edi

quyosh ham botmay turdi anchagacha

kun ham og’mas edi

yomg’ir ham etilmagan edi

bulut ham engmagan edi o’zini

ko’chaning changini qor bosdi

kuylaklar o’zini zor osdi

bulut ham ochdi ko’zini

o’tdi o’tgulik

kechdi ko’rgulik

buyog’i bahorga chiqdik yal yal tovlanib

buyog’i yoz

yozdir nurafshon

ishon