Qo’shiq faqat ko’zlar haqida edi
Aytsam ishonmading
Suvga otding
Olovga otding
Tiriklayin …qo’shiqni yoqding
Yolg’iz dedim
Yakkalik dedim
Yolg’izlatmas Sani yolg’izlik
Juftsiz sozga qo’shilib
Tunda
O’zdan ketib O’zingga boqdim…
Chalsam eshitmading
Ko’hna sozimni
Suvga otding
Olovga otding
Gulim!
Duo edi hovuchimdagi
Ishonmading
Boshimdan sochding…
Qo’shiq faqat ko’zlarda edi…
Posted in Yozuvlar
Сан биласан мани
аслида
Пешонамда ёзилгани шу –
Бошим узра фаришта учиб
Ёғдиради илоҳий ёғду…
Сан биласан, менинг бир орзум
Жаннатингдан жой олсам, етар,
Етар, ростим, икки дунёмга
Биттагина саодат етар…
Сан биласан, кечаю кундуз,
Ёдинг менинг асл тушимдир…
Адаштирма, адаштирмасанг,
Жоним Санга тортиқ қушимдир…
Сан биласан, Яратган Эгам,
Гуноҳларим тоғлардан юксак,
Бу дунёда барча тоғлар ҳам…
Эрир меҳринг ўнгида бешак
Сан биласан Парвардигорим,
Пешонамга ёзганларинг шу…
Posted in Yozuvlar
Oldimizdan tog’ chiqqan edi
oshgandik
dengiz nadir
uni biz
kechgandik
Bulutlar ostimizda suzardi
to’zg’itib
barini
sohir parvozda
turnalarni qoldirib dog’da
Eh qanday uchgandik
Bugun tog’ yo’q
oshgani
dengizlar qurigan
tarqagan tor osmonning oq bulutlari
Ammo
Oyoq ostimizda mayda toshlar bor
erinmay yig’amiz ularni
bir kun otish uchun…
aytish uchun…
biz bir birimizga
shu toshlarnimi
otgandik?..
Posted in Yozuvlar
Unknown Feed
Tilovatlar 