Uzoqlashar deraza
Eshik ucha boshlar uydan tashqari
Gullar ildizlarin elkalab ma’yus
Vido aytmoqdalar – titraqib
Olislaydi oy ham quyoshdan
Zamin tashlab ketar zamonni
Yulduzlar milyon yil olisga ko’chib
Uyg’ota boshlaydi iymonni…
Uzoqlashar cho’qqi, tubsizdir bu choh
Intiho o’chadi ibtido – tayin
Eng chuqur dengizning tubida munchoq
Man zo’rg’a cho’kkanman nega qaytayin
Uzoqlashar deraza…
Posted in Yozuvlar
Qo’shiq faqat ko’zlar haqida edi
Aytsam ishonmading
Suvga otding
Olovga otding
Tiriklayin …qo’shiqni yoqding
Yolg’iz dedim
Yakkalik dedim
Yolg’izlatmas Sani yolg’izlik
Juftsiz sozga qo’shilib
Tunda
O’zdan ketib O’zingga boqdim…
Chalsam eshitmading
Ko’hna sozimni
Suvga otding
Olovga otding
Gulim!
Duo edi hovuchimdagi
Ishonmading
Boshimdan sochding…
Qo’shiq faqat ko’zlarda edi…
Posted in Yozuvlar
Unknown Feed
Tilovatlar 