Hammangiz bittadan tosh oting etar,
Ko’z yosh cho’ktirmagan loshim ko’milsin!
Yurakning og’riq joyi qo’yvorar, tinar…
Sizning yuragingiz nurlarga to’lsin!
Sizga na kun bo’ldim man, va na yog’du,
Zulmatga ko’milib qoldingiz –ko’rdim…
Man tutgan qadahda limmo lim og’u,
Siz ekkan gullarni… gullatmay o’rdim!
Boshingizdan ketsin g’amu kulfatlar,
Rahmli Rahmonning mehri yog’ilsin.
Qayoqqa qaramang – do’stlar, ulfatlar…
Sizga faqat maqtov, qulluq o’qilsin.
Mani ma’zur tuting, ketaman dedim
Bir emas yuz marta – yuzsiz notavon!
Ko’ngilmi, qo’rquvmi – yolg’onchi edim..
Balki yig’lagandim ojiz, bezabon…
Man hech bir yurakka sig’madim, alam,
Qulflarni tanimay adashdim… rostim.
Qachon tingan edi bo’g’zimda nolam,
Qachon tingladingiz so’zimni, ‘do’stim’…
Hammangiz bittadan tosh oting, qo’rqmang,
Shu osiy odamning loshi ko’milsin.
Ikki qo’lim ochiq duoga, qarang,
Sizning yuragingiz quvonchga to’lsin!
Tilovatlar 